Adliya vazirligi tomonidan ishlab chiqilgan “Oʻzbekiston Respublikasining ayrim qonun hujjatlariga qoʻshimcha va oʻzgartirishlar kiritish toʻgʻrisida”gi qonun loyihasi joriy yilning 23-dekabr kuni boʻlib oʻtgan Oliy Majlis Qonunchilik palatasining navbatdagi majlisida birinchi oʻqishda koʻrib chiqildi.
2024-yil 5-avgust kuni qabul qilingan Qonun fuqarolarning yillar davomida hal boʻlmay kelgan uy-joy va yerga doir muammolariga yechim boʻldi.
Biroq, Qonun amaliyotida aniqlangan muammolarni bartaraf etish maqsadida yangi qonun loyihasi ishlab chiqildi.
Loyihaga koʻra, eng muhim yangiliklardan biri — 1 ta obyekt boʻyicha yakuniy xulosa berish muddati 150 kundan 50 kunga qisqartirilmoqda.
- Vakolatli tashkilotlar — 20 kun
- Jamoatchilik muhokamasi — 10 kun
- Adliya organlari — 20 ish kuni
Bu oʻzgarish Qonunning 2028-yil 1-yanvargacha amal qilishini inobatga olgan holda qabul qilinmoqda.
Shuningdek, amaliyotda huquqni eʼtirof etishga toʻsqinlik qilayotgan eng katta muammolardan biri — soliq va toʻlov masalasi edi.
Hozirda 243 mingdan ortiq obyektda soliq qarzi bor hamda ular Qonun doirasida hal boʻlmay qolmoqda.
Shu sababli quyidagi takliflar ilgari surildi:
- coliq qarzi BHMning 30 baravaridan oshmasa (12,3 mln soʻm) — huquq eʼtirof etilishi mumkin;
- 1-martalik toʻlov 20 ish kunida amalga oshirilsa — 50% chegirma;
- toʻlovni 1-yildan 3-yilgacha boʻlib-boʻlib toʻlash imkoniyati.
