Toshkent metropoliteni tarkibidagi bekatlardagi mavjud eskirgan eskalatorlarni yangisiga almashtirish boʻyicha rejaviy ishlar amalga oshirilmoqda.
“Toshkent metropoliteni” DUKning xabar berishicha, shu yilning 1-noyabridan “Paxtakor” bekatining eskalator oʻrnatilgan tomoni vaqtincha yopiladi.
Qayd etilishicha, Toshkent metropolitenining “Paxtakor” bekatidagi eskalatorlarni yangisiga almashtirish maqsadida bekatning eskalator oʻrnatilgan tomonida demontaj va montaj ishlari olib boriladi.
Eskalatorlarni oʻzgartirish ishlari yakunlanishi boʻyicha jarayonlarining texnik holatiga qarab qoʻshimcha maʼlumot beriladi.
Maʼlumotlarga koʻra, hozirda 4 ta metro bekati “Buyuk ipak yoʻli“, “Amir Temur xiyoboni“, “Paxtakor“ va “Beruniy“ metro bekatlarida hojatxonalar qurilishining 1-bosqichi boshlangan.
Yangi vagonlar kelishi bilan Chilonzor, Oʻzbekiston, Yunusobod va Yer usti halqa yoʻli yoʻnalishiga qoʻyiladi va poyezdlarning oraliq interval yanada kamaytiriladi.
