Birgina Pokistonning aholisi eng zich joylashgan Panjob viloyatida juma va yakshanba kunlari orasida chaqmoq urishi oqibatida 21 kishi halok bo'lgani xabar qilingan.

Balujiston viloyatida kamida sakkiz kishi halok bo'lgan, ulardan yetti nafari chaqmoq urishi oqibatida vafot etgan. Bu hududda 25 ta tuman yomg'irdan jabr ko'rdi, ayrim hududlar butunlay suv ostida qoldi. Viloyatdagi maktablar yopilgan.

Bundan tashqari, Sind viloyatida suv bosgan yo'llar bilan bog'liq yo'l-transport hodisalarida to'rt kishi halok bo'ldi.

Mamlakatning shimoli-g'arbiy qismida joylashgan Xayber-Paxtunxva viloyatida kuchli yomg'ir paytida uylar qulab tushgan, oqibatda 8 kishi, jumladan, to'rt bola hayotdan ko'z yumgan.

Pokistonning tabiiy ofatlarni boshqarish milliy boshqarmasi yaqin kunlarda ham yomg'ir yog'ishi kutilayotgani sababli ko'chki va toshqinlar ehtimolidan ogohlantirdi, deb xabar beradi korrespondent.net.