Bu haqda “OʻZENERGOINSPEKSIYA” matbuot xizmati xabar berdi.
Oʻtkazilgan tezkor tadbirda Qarshi shahrida joylashgan Respublika ixtisoslashtirilgan Ona va bola salomatligi markazi Qashqadaryo viloyati filialida 4 dona chiller sovitish tizimini (quvvati 612.6 kVt) elektr tarmoqlariga toʻgʻridan-toʻgʻri ulanganligi aniqlandi.
Ushbu qoidabuzarlik natijasida dastlabki hisob-kitoblarga koʻra elektr taʼminoti korxonasi manfaatiga 2 mlrd 182 mln soʻmlik elektr energiyasidan noqonuniy foydalanganligi maʼlum boʻldi.
Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.