Tadqiqot natijalari Zoological Journal of the Linnean Society (ZJLS) ilmiy nashrida e'lon qilindi.

Mutaxassislarning fikricha, Alpkarakush kyrgyzicus Qirg'iziston hududidan topilgan birinchi teropod dinozavriga aylandi.

Paleontologlarning ta'kidlashicha, Alpkarakush kyrgyzicus qirg'iz qahramonlik eposi “Manas”dagi ulkan mifologik qush Alpkarakush nomi bilan atalgan.

Dinozavrning qoldiqlari taxminan 165 million yil avval O'rta yura davrida hosil bo'lgan balbansoy qatlamining cho'kindilaridan topilgan.

Suyaklar tahlili shuni ko'rsatdiki, dinozavrning uzunligi qariyb to'qqiz metrga yetgan.

Ko'plab boshqa teropodlar bilan taqqoslash shuni ko'rsatadiki, yangi tur metriakantozavrlardir va Sharqiy Osiyodagi yirik yirtqich dinozavrlar bilan chambarchas bog'liq.

Paleontologlar metriakantozavrlar va boshqa muhim teropodlar guruhlari Janubi-Sharqiy Osiyoda kelib chiqqanligini, u yerdan ular Markaziy Osiyo va Yevropa orqali boshqa qit'alarga tarqalib ketganligini taxmin qilishmoqda, deb xabar beradi report.az.