Bor ekan:
- Qoʻy – koʻz qorachigʻi toʻgʻri toʻrtburchak shaklida boʻlgan sanoqli mavjudotlardan biri.
- Qanchalik gʻalati koʻrinmasin, tajribalar qoʻylar ajoyib xotiraga ega ekanligini koʻrsatdi.
- Qoʻylarda eshitish qobiliyati juda yaxshi, shu sababli ular keskin tovushdan qoʻrqadi.
- Qoʻylar uzoq vaqt yolgʻiz yashay olmaydi. Podadan ayri qolsa, ular vahimaga tushadi va vaqt oʻtgan sari bu vahima kuchayaveradi.
- Dunyoda jami olti yuzta atrofida qoʻy zoti mavjud.
- Hozirga qadar olimlar qoʻy junining sifati va issiqlikni saqlash xususiyati aslidan qolishmaydigan sintetik analogini yarata olishmagan.
- Ochiq joyga chiqib qolgan qoʻy podasi choʻchib, toʻplanib oladi. Toʻsiq yoki devor mavjudligi esa, ularni tinchlantiradi.
- Katta yoshli qoʻydan bir martada 10 kg.gacha jun olish mumkin.
- Eng uzoq umr koʻruvchi qoʻylar – qor qoʻylari, ular 22-24 yilgacha yashashi mumkin.
- Eng qimmat zotli qoʻyning bir donasi million dollardan qimmatroq turadi.
Maʼlumotlarni Qishloq xoʻjaligi vazirligi matbuot xizmati taqdim etgan.
