“Oʻzbekiston temir yoʻllari“ AJning maʼlum qilishicha, yuqori kuchlanishli “Sherobod — 220 KV“ podstansiyasida temir yoʻl uchun alohida 4 ta yacheyka qurilib, 50 kilometr masofada yuqori kuchlanishli havo elektr tarmogʻi tortildi va ishga tushirildi.
Elektr taʼminotining 1-toifaga oʻtkazilishi natijasida isteʼmolchilar (elektrovozlar) yetarli elektr energiya bilan taʼminlandi hamda temir yoʻlda toʻxtovsiz poyezdlar harakatlanishiga erishildi. Harakat xavfsizligi yanada yaxshilanib, yuk va yoʻlovchi poyezdlari aniq jadval asosida harakatlana boshladi.
