Oʻzbekistonda qurilish sohasini modernizatsiyalash, jadal va innovatsion rivojlantirishning asosiy yoʻnalishlari etib quyidagilar belgilanadi:
- qoʻshimcha kichik tizimlar va maʼlumotlar bazalarini yaratish yoʻli bilan qurilish sohasini raqamlashtirish;
- shaharsozlik sohasidagi normativ bazani modernizatsiyalash va xorijiy normativ hujjatlarni moslashtirish;
- aholi punktlarini kompleks rivojlantirish tizimini takomillashtirish;
- qurilish sohasida ayrim ruxsat berish tartibotlarini soddalashtirish yoʻli bilan “Biznes yuritish” xalqaro indeksida “Qurilish uchun ruxsatnomalar olish” koʻrsatkichi boʻyicha Oʻzbekiston Respublikasi pozitsiyasini yaxshilash;
- uy-joy koʻchmas mulki qurilishida ulush kiritish asosida uy-joylarni qurish uchun aholi mablagʻlarini keng jalb qilish orqali ipoteka krediti bozorini va koʻp kvartirali uylar qurilishini rivojlantirish;
- qurilish materiallarini ishlab chiqishga va obyektlar qurilishiga innovatsion texnologiyalarni tatbiq qilish;
- investitsiya loyihalari ishtirokchilari oʻrtasidagi oʻzaro hisob-kitoblarda yiriklashtirilgan koʻrsatkichlarga bosqichma-bosqich oʻtish;
- institutsional asosning liberallashtirilishini hisobga olgan holda litsenziyalash prinsiplarini takomillashtirish, loyiha va pudrat ishlari potensialini kuchaytirish;
- loyihaning smeta qismida davlat ekspertizasini bekor qilish yoʻli bilan ekspertiza ishlari tizimini takomillashtirish;
- davlat, mualliflik va texnik nazoratni nodavlat sektorga yoʻnaltirish orqali qurilish sifatini nazorat qilish tizimini takomillashtirish;
- aksiyalar paketini ilgʻor xorijiy investorlarga realizatsiya qilish orqali ilgʻor xorijiy kompaniyalari ishtirokida zamonaviy loyiha institutlarini tashkil qilish;
- oʻqitishning zamonaviy va innovatsion usullari qoʻllanishini hisobga olgan holda qurilish yoʻnalishidagi kadrlarni tayyorlash, qayta tayyorlash va malakasini oshirishni tashkil qilish tizimini takomillashtirish;
- loyihalarni moliyalashtirishning davlat manbalari va ularga tenglashtirilgan manbalar hisobidan amalga oshirishda, davlat segmentlarining liberallashtirilganini hisobga olgan holda, nodavlat buyurtmachilar institutini shakllantirish va mustahkamlash;
- oʻtkazilayotgan fundamental, qidiruv va amaliy ilmiy tadqiqotlar va ishlanmalar samaradorligini oshirish orqali qurilish va arxitektura sohasida ilmiy salohiyatni rivojlantirish;
- qurilish obyektlarida qurilish-montaj ishlarini bajarishda mehnat muhofazasi va xavfsizlik texnikasiga boʻlgan talablarni kuchaytirish;
- inson kapitalini rivojlantirish, qurilish organlari va muassasalari faoliyatini moddiy-texnik taʼminotini yaxshilash, ishchilarni ijtimoiy va moddiy ragʻbatlantirishning yangi mexanizmlarini yaratish.
Oʻzbekiston qurilish sohasini modernizatsiyalash, jadal va innovatsion rivojlantirishning 2020–2025-yillarga moʻljallangan strategiyasini amalga oshirish boʻyicha quyidagilarni koʻzda tutuvchi maqsadli koʻrsatkichlar belgilanadi:
- “Shaffof qurilish” milliy axborot tizimining elektron platformalarining ishlashi 2025-yilga kelib butun respublika boʻyicha 100 foizgacha qamrab olinishiga erishish;
- Oʻzbekistonning geologik, tabiiy-iqlimiy, seysmologik va boshqa xususiyatlarini hisobga olgan holda shaharsozlik sohasida Yevrokodlar moslashuvi ulushini 2025-yilga kelib 50 foizgacha oshirish;
- Davlat shaharsozlik kadastri geografik axborot tizimi obyektlari boʻyicha maʼlumotlarni, geoportal funksiyalari kengayishini hisobga olgan holda, ochiq foydalanish uchun eʼlon qilinishi ulushini 2025-yilga kelib 70 foizgacha yetkazish;
- “Biznes yuritish” (Doing Business Index) xalqaro indeksining “Qurilish uchun ruxsatnomalar olish” (Dealing with Construction Permits) yoʻnalishi boʻyicha Oʻzbekiston pozitsiyasining 2025-yilga kelib joriy 61,7 balldan 78,2 ballgacha yaxshilash;
- ilgʻor xorijiy loyiha tashkilotlarini jalb qilgan holda 2025-yilgacha 15 ta zamonaviy loyiha-qidiruv institutlarini tashkil qilish;
- 2025-yilga kelib buyurtmachi funksiyalarini bajaruvchi nodavlat tashkilotlar ulushini Investitsiya dasturiga kiritilgan obyektlar umumiy sonining kamida 25 foiziga yetkazish;
- 2025-yilga kelib “hajmli metod”ni joriy etish ulushini respublikadagi qurilish obyektlari umumiy sonining 25 foizigacha yetkazish.
