Shuningdek, minimal narx belgilab, isteʼmolchiga boshqa tanlov qoldirmaslik orqali uning erkin tanlash huquqi cheklanayotgani alomatlari qayd etilmoqda.
Qoʻmita taʼkidlashicha, Isteʼmolchilarning huquqlarini himoya qilish toʻgʻrisidagi Qonunning 4-moddasiga muvofiq, isteʼmolchi tovar (ish, xizmat)ni erkin tanlash va uning sifatli boʻlishini talab qilish huquqiga ega. Shuningdek, mazkur Qonunning 21-moddasiga asosan sotuvchi (ijrochi) isteʼmolchini haq evaziga qoʻshimcha tovarlar sotib olishga yoki qoʻshimcha xizmatlardan foydalanishga qistashga haqli emas.
Shu munosabat bilan umumiy ovqatlanish korxonalariga quyidagilar eslatildi:
- isteʼmolchini “set” koʻrinishidagi toʻplamni xarid qilishga majburlamaslik;
- toʻplamdan voz kechgan mijozning taomnomadagi boshqa taomlarni tanlash huquqini cheklamaslik;
- isteʼmolchilar sogʻligʻiga salbiy taʼsir koʻrsatishi mumkin boʻlgan (jumladan, allergiya chaqiruvchi komponentlar mavjud) mahsulotlarni majburiy tarzda toʻplam tarkibiga kiritmaslik.
Shuningdek, Oʻzbekiston Respublikasi Konstitutsiyasining 65-moddasida davlat isteʼmolchilar huquqlari ustuvorligini hisobga olgan holda iqtisodiy faoliyat, tadbirkorlik va mehnat qilish erkinligini kafolatlashi belgilangani qayd etildi.
Maʼlum qilinishicha, qonun talablari buzilgan taqdirda belgilangan tartibda taʼsir choralari koʻriladi.
