Revmatoid artritni davolashdagi muammolardan biri immunitet tizimini to'liq tiklay olmaslikdir. Bu kislorodning faol turlari va yallig'lanish sitokinlari kabi zararli moddalarning doimiy ishlab chiqarilishiga olib keladi, bu yallig'lanishni keltirib chiqaradi. Ushbu kasallikda optimal terapiya nafaqat simptomlarni va yallig'lanishni bartaraf etish, balki immunitet tizimini tiklashni talab etadi.
Yangi texnologiya mezenximal ildiz hujayralaridan (MSK, MSCNV) olingan nanovesikullar bilan oltingugurt nanozarrachalarini (Ce NPS) joriy etishga asoslangan. Ikki komponent kasallik omillariga alohida yoki sinergik tarzda qarshi turishi mumkin. MSCNVlar dendritik hujayralarni tolerogen dendritik hujayralarga aylantiradigan immunomodulyator sitokinlarni yetkazib beradi. Bu uzoq muddatda immunitet hujayralarining to'g'ri ishlashini ta'minlaydi. Mazkur usul qisqa muddatli og'riqni bartaraf etadi va simptomlarning takrorlanishini oldini oladi.
Usulning samaradorligi artritli sichqonlarda o'tkazilgan tajribalarda tasdiqlandi. Ce-MSCNV tizimi vositasida bir vaqtning o'zida og'riqni yo'qotish va T-hujayra immunitetini tiklash orqali revmatoid artritni kompleks davolash va oldini olishga erishildi. Dori vositasining bir martalik dozasidan keyin ham ahvolning yaxshilanishiga erishildi, deb xabar beradi lenta.ru.
