QR-kodni olish uchun «Puteshestvuyu bez COVID-19» ilovasini App Store, Google Play, AppGallery orqali yuklash mumkin. Mobil` ilova yuklanganidan so'ng uni ishga tushirasiz, til va geolokatsiyani tanlaysiz hamda qaysi davlatdan qaysi davlatga ketayotganligingizni belgilashingiz kerak bo'ladi.
"Dunyo" AAning qayd etishicha, 72 soatdan ko'p bo'lmagan vaqtda PZR-testini O'zbekistonda akkreditatsiyadan o'tgan laboratoriyalarda topshirishingiz zarur. Laboratoriya xodimiga test natijasini «Puteshestvuyu bez COVID-19» mobil` ilovasi orqali olmoqchi ekaningizni xabar berasiz.
Shundan keyin, pasport ma'lumotlarini (seriya raqami va boshqalar), telefoningizdagi QR-kod orqali laboratoriya tomonidan berilgan test natijalarini skaner qilasiz, chegarani kesib o'tayotganingizda mas'ul xodimga QR-kodni telefoningiz ekrani orqali taqdim etasiz.
eslatib o'tamiz, Evrosiyo taraqqiyot bankining raqamli tashabbuslar jamg'armasi tomonidan ishlab chiqilgan ushbu ilovadan foydalanish 1 sentyabrdan boshlab Rossiyaga borishni rejalashtirayotgan O'zbekiston fuqarolari uchun majburiy tartibda joriy etiladi.
