баннер
Sayt test rejimida ishlamoqda
Лого Лого-пв-уз

    Samarqandda “Raqamli Oʻzbekiston – 2030” strategiyasi doirasida amalga oshirilgan ishlar muhokama qilindi

    Raqamlashtirish 25 May 2021 527

    Joriy yil 24-25-may kunlari Samarqand viloyatida Axborot texnologiyalari va kommunikatsiyalarini rivojlantirish vazirligi, “Oʻzbektelekom” AK, Vazirlik tizimidagi viloyat tashkilotlari hamda Oʻzkomnazorat viloyat boshqarmasi masʼul xodimlaridan iborat ishchi guruh tomonidan Samarqand viloyatini “Raqamli Oʻzbekiston – 2030” strategiyasi doirasida raqamli transformatsiya qilish dasturi loyihalari ijrosi yuzasidan joyiga chiqqan holda oʻrganish oʻtkazildi.

    Oʻrganish yakunlari boʻyicha Samarqand viloyatini raqamli transformatsiya qilish dasturida belgilangan umumiy qiymati 46,2 milliard soʻmga teng boʻlgan 120 ta loyihalardan 78 tasi (65 foiz) toʻliq bajarilganligi, 38 ta (32 foiz) loyihalarning bajarilishi davom etayotganligi hamda 4 ta (3 foiz) loyihalar boʻyicha kechikish mavjudligi aniqlanib, ularni tezkor bartaraf qilish yuzasidan mutasaddilarga koʻrsatmalar berildi.

    Viloyatda namunaviy tumanlar etib belgilangan Qoʻshrabot va Nurobod tumanlarda raqamlashtirish boʻyicha loyihalarning amalga oshirilishi holati oʻrganildi. Jumladan, Qoʻshrabot tumanini raqamli transformatsiya qilish boʻyicha “Yoʻl xaritasi”da belgilangan jami 31 ta loyihadan bugungi kunda 29 tasi toʻliq bajarilgan hamda 2 tasi bajarilayotgani va tegishli ishlar amalga oshirilayotgani hamda Nurobod tumanini raqamli transformatsiya qilish boʻyicha “Yoʻl xaritasi”da belgilangan 42 ta loyihadan 39 tasi toʻliq bajarilgan va 3 tasi boʻyicha kechikish mavjudligi aniqlandi.

    Shu bilan birga, ishchi guruh tomonidan yigʻilish oʻtkazilib, “Raqamli Oʻzbekiston – 2030” strategiyasiga muvofiq Hududlarni reytingli baholashda “qizil” roʻyxatdan joy olgan tuman (shahar)da mavjud kamchiliklarni bartaraf etish boʻyicha olib borilayotgan ishlar oʻzaro muhokama qilindi.

    Yigʻilish davomida Oʻzbekiston Respublikasi Prezidentining raqamlashtirishga doir Farmon va qarorlari ijrosini jadallashtirish va tumanlarning reyting koʻrsatkichlarini yaxshilash yuzasidan amalga oshiriladigan ishlar belgilab olindi, deb xabar beradi Axborot texnologiyalari va kommunikatsiyalarini rivojlantirish vazirligi matbuot xizmati.