Shu kabi masalalar muhokama etilyapti, lekin hozircha aniq maʼlumot mavjud emas, deb javob bergan Rossiyskaya gazetaga uyushmada.
ATORning maʼlum qilishicha, MDH mamlakatlariga katta ehtimol bilan 1-sentyabrdan aviaqatnovlar boshlanib qolishi mumkin. Aviaqatnovlar yoʻlga qoʻyilishi mumkin mamlakatlar qatorida Qozogʻiston, Armaniston, Oʻzbekiston koʻrsatilyapti. Xususan, Qozogʻiston va Armaniston yaqinda Rossiya bilan aviaqatnovni tiklashga tayyor ekanliklarini va javob kutayotganini bildirgan. Avvalroq esa rossiyaliklarni qabul qilishga tayyor ekanliklarini Oʻzbekiston va Qirgʻiziston bildirgan edi.
Mazkur yoʻnalishlarda aviaqatnovlarni tiklashga bir qancha sabablar bor deb hisoblaydi ATORda. Birinchidan, qoʻshni mamlakatlardagi kabi Rossiyada ham koronavirus bilan bogʻliq vaziyat yumshab boryapti. Ikkinchidan, sentyabrda COVID-19 ga qarshi vaksina ishlab chiqarish sanoat darajada yoʻlga qoʻyilishi rejalashtirilyapti. Undan tashqari Rossiya va MDH davlatlari oʻrtasidagi iqtisodiy, gumanitar va boshqa shu kabi yaqin aloqalar ham muhim rol oʻynaydi.
Rossiyada MDH davlatlari fuqarolari juda koʻp. Bu omil ham qoʻshni mamlakatlar bilan aviaqatnovlarni ochishda muhim rol oʻynashi mumkin.
