2021-yil 1-yanvar holatiga koʻra, yurtimizda 9 168 ta fuqarolar yigʻini mavjud boʻlib, ularning:

8 877 tasi — mahalla fuqarolar yigʻini;

161 tasi — ovul fuqarolar yigʻini;

89 tasi — qishloq fuqarolar yigʻini;

41 tasi — shahar fuqarolar yigʻinidan iborat.

Mazkur fuqarolar yigʻinlarining 10 tasi — jamoatchilik asosidagi,

11 tasi — harbiy shaharchalarda joylashgan fuqarolar yigʻinlari hisoblanadi.

Eng koʻp — 1000 dan oshiq mahallaga ega hudud sifatida Samarqand viloyati yetakchilik qiladi. Bu viloyatda hozirgi vaqtda 1 100 ta mahalla fuqarolar yigʻini mavjud. Undan soʻng Toshkent viloyati 10 48 ta, Fargʻona viloyati 1041 ta mahalla bilan keyingi oʻrinlarni band qilgan.

Fuqarolar yigʻinlarining geografik joylashuviga toʻxtaladigan boʻlsak, respublikamizdagi 1 830 ta mahalla fuqarolar yigʻini — shaharlarda, 1 205 tasi — tuman markazlarida joylashgan.

Tuman markazigacha 30 km boʻlgan masofada joylashgan mahallalar soni — 4 839 tani, tuman markazidan 30 km va undan olis masofada, togʻli va choʻl hududlarda joylashgan fuqarolar yigʻinlari soni — 720 tani tashkil etadi.

Chegara yoki anklav hududlarda joylashgan fuqarolar yigʻini soni esa 574 tani tashkil etadi.