Havo qatnovini “Silk Avia” kompaniyasining US721 reysi ochdi. Samolyot mahalliy vaqt bilan soat 11:17 da Shahrisabz aeroportiga qoʻndi.
Shu yilning 13-mart kuni Shahrisabz aeroporti uchish-qoʻnish yoʻlagida kapital taʼmirlash ishlari olib borilayotgani munosabati bilan faoliyatini vaqtincha toʻxtatgan edi.
Uzoq muddatli foydalanishdan keyin uchish-qoʻnish yoʻlagi sirti mustahkamlanib, yangi asfalt bilan almashtirildi. Yurish yoʻlagini taʼmirlash ham yaqin vaqt ichida yakunlanadi, bu esa parvozlar qulayligi va xavfsizligini oshiradi.
