Tasviriy ifodalovchi soʻzlardan foydalanib, tahlilchilar davlat rahbari nimaga koʻproq eʼtibor qaratayotganini aniqlashdi.
Prezident oʻz maʼruzasida jami 5674 ta soʻzlardan foydalandi va ularning ichida eng koʻp ishlatilangan soʻzlar: “Konstitutsiya” – 106-marta, “Davlat” – 75-marta, “Inson” – 54-marta, “Huquq” – 42-marta ishlatilgan boʻlsa, “Fuqaro”, “Qonun”, “Taklif”, “Yangi”, “Hayot” kabi soʻzlari esa 30-martadan koʻproq ishlatilgan.
“Jamiyat”, “Mustahkam”, “Islohot”, “Oila”, “Oʻzbekiston”, “Erkin”, “Ijtimoiy”, “Norma”, “Shaxslar” soʻzlari 20-martadan koʻproq ishlatilgan.
Davlat rahbarining maʼruzalarida ishlatilgan soʻzlariga eʼtibor qaratar ekanmiz, bugungi kundagi islohotlarning asosiy tamoyili boʻlmish “Inson-Jamiyat-Davlat” degan yondashuviga koʻproq urgʻu berilganiga guvoh boʻlishimiz mumkin.
Prezident xalqimizga murojaat qilib, konstitutsiyaviy islohot jarayonida yanada faol qatnashishga chaqirdi.
– Betakror yurtimizda barqaror jamiyatni va bardavom taraqqiyotni taʼminlash – barchamizning bosh maqsadimizdir! Men butun xalqimizni ana shu buyuk maqsadga erishishda oʻzaro birdamlikka va hamjihatlikka chaqiraman, – deya taʼkidladi Shavkat Mirziyoyev.
Uchrashuv samimiy muloqot tarzida davom etdi. Konstitutsiyaviy komissiya aʼzolari soʻzga chiqib, aholining takliflari, islohotlar zarurati haqida oʻz fikrlarini bildirdi.