Tadbirda SHHTga aʼzo davlatlarning vazirlik va idoralari rahbarlari va vakillari ishtirok etdi.
Uchrashuvni Oʻzbekiston Respublikasi axborot texnologiyalari va kommunikatsiyalarini rivojlantirish vazirining birinchi oʻrinbosari Oleg Pekos ochib berdi. Vazir oʻrinbosari taʼkidlaganidek, raqamli iqtisodiyot, elektron hukumat, sunʼiy intellektni ilgʻor rivojlantirish Vazirlikning barcha tashkilotlari va davlat siyosatining ustuvor yoʻnalishi hisoblanadi. Ushbu tadbir SHHTga aʼzo davlatlarning AKT sohasida rivojlanishiga oʻzining munosib hissasini qoʻshadi va bu yerda qabul qilingan qarorlar kelajagi va SHHTning global infokommunikatsiya hamjamiyatidagi rolini yanada oshirishga xizmat qiladi.
Uchrashuv davomida ishtirokchilar SHHTga aʼzo davlatlarning raqamli rivojlanish sohasidagi koʻp tomonlama hamkorligini yanada mustahkamlashga oid keng koʻlamli masalalarni muhokama qildilar. SHHT doirasida muntazam tajriba almashish, xususan, elektron hukumat, raqamli iqtisodiyot, IT taʼlim, IT-industriyani rivojlantirish, IT -sanoatdagi startaplarni qoʻllab-quvvatlash, sunʼiy intellekt, shuningdek, radiochastota spektrini boshqarish boʻyicha kelishuvga erishildi va fikr almashildi.
Shu bilan birga, telekommunikatsiya infratuzilmasini rivojlantirish istiqbollari, SHHTga aʼzo davlatlarda keng polosali infratuzilmaga asoslangan zamonaviy xizmatlarni joriy etish masalalari oʻrganildi. Shuningdek, tomonlar SHHTga aʼzo davlatlarning raqamli savodxonligini rivojlantirish boʻyicha hamkorlik dasturini muhokama qildi.
Tadbirda Shanxay hamkorlik tashkiloti Bosh kotibi Vladimir Norov ishtirok etdi, deb xabar beradi Axborot texnologiyalari va kommunikatsiyalarini rivojlantirish vazirligining matbuot xizmati.
