Mazkur qaror bilan Toshkent davlat tibbiyot universiteti tashkil etildi. Yangi universitet soha uchun yuqori malakali kadrlar tayyorlash, ularning malakasini oshirish va ilmiy-tadqiqot ishlarini takomillashtirishga ixtisoslashtiriladi.
Universitet uchta tibbiyot oliy taʼlim muassasasini birlashtirgan holda, yagona tizim asosida faoliyat yuritadi. Tashkilotda xalqaro talablarga javob beradigan taʼlim muhiti, zamonaviy moddiy-texnika bazasi, innovatsion boshqaruv tizimi joriy etiladi.
Shuningdek, universitetda xalqaro mutaxassislar jalb etiladi, transformatsiya ofisi faoliyati yoʻlga qoʻyiladi, xalqaro akkreditatsiyani amalga oshiruvchi milliy markaz tashkil etiladi. Maʼnaviy-maʼrifiy ishlar, taʼlim sifatini baholash va ilmiy faoliyatni baholash tizimi tubdan yangilanadi.
Toshkent tibbiyot akademiyasi matbuot xizmati
