Oʻzbekiston va Shvetsiya oʻrtasidagi hamkorlikni yanada mustahkamlash, xususan, parlamentlar oʻrtasidagi oʻzaro hamkorlikni rivojlantirish, ikki tomonlama tovar ayirboshlash hajmini orttirish, investitsiya loyihalarini amalga oshirish, madaniy-gumanitar aloqalarni mustahkamlash masalalari koʻrib chiqildi.
Elchi Oʻzbekiston Respublikasi Prezidenti Sh.Mirziyoyevning xorijiy davlatlar bilan hamkorlik boʻyicha olib borayotgan siyosati, shuningdek, Markaziy Osiyo mintaqasida tinchlik va barqarorlikni oʻrnatish boʻyicha saʼy harakatlarini yuqori baholadi.
Uchrashuvda tomonlar manfaatdor boʻlgan koʻplab sohalarda oʻzaro foydali hamkorlik masalalari ham muhokama qilindi, deb xabar beradi Oʻzbekiston Respublikasi Oliy Majlis Senati matbuot xizmati.