Nizomga koʻra, sport maktabida oʻquvchi-sportchilar kontingenti, ularning vazn toifalarini hisobga olgan holda, 60 nafardan iborat hamda taʼlim olish muddati oʻquvchi-sportchi Oʻzbekiston terma jamoasining asosiy (yoki zaxira) tarkibida boʻlgan davr mobaynida davom etadi.
Sport maktabiga 18 yosh va undan katta sportchilar qabul qilinadi.
Oʻquvchi-sportchilarni sifatli tanlab olishni taʼminlash maqsadida sport maktabida qabul oʻrinlari boʻshagan kundan 1 oy muddatda tanlov va uni oʻtkazish shartlari toʻgʻrisida eʼlon beriladi.
Nomzodlarga quyidagi minimal talablar qoʻyiladi:
- sport ustaligiga nomzoddan past boʻlmagan sport toifasining mavjudligi;
- kurashning tegishli yosh guruhlari va uslublari boʻyicha sportchilar oʻrtasida Oʻzbekiston, Osiyo va jahon chempionatlarida egallangan sovrinli oʻrinlar (1–3-oʻrin) mavjudligi.
Sport maktabiga oʻqishga kirishda nomzodlar 100 balli tizim boʻyicha baholanadi, shundan 30 ball umumiy jismoniy tayyorgarlikka va 70 ball maxsus jismoniy tayyorgarlikka ajratiladi.
