Para velosport boʻyicha terma jamoamiz aʼzolari Shveysariyaning Syurix shahri mezbonlik qilayotgan shosse boʻyicha jahon chempionatida ishtirok etishmoqda.
Kecha musobaqaning erkaklar oʻrtasida T1 klassida 11 km masofaga oʻtkazilgan vaqt poygasi bellashuvlarida ishtirok etgan hamyurtimiz Aziz Otaxoʻjayev 20 daqiqa 30 soniya natija qayd etib, marraga uchinchi oʻrinda yetib keldi va jahon chempionatining bronza medaliga sazovor boʻldi.
Qayd etish lozimki, Aziz Otaxoʻjayev ushbu natijasi orqali Oʻzbekiston para velosporti tarixida jahon chempionatida sovrindor boʻlgan birinchi sportchiga aylandi.
Yoshlar kuni munosabati bilan 22 iyunda “Oʻzmetkombinat” AJ Yoshlar yetakchilar kengashi va kombinat Birlashgan kasaba uyushmasi qoʻmitasi hamkorligida 30 yoshgacha boʻlgan kombinat ishchi-xodimlari ishtirokida velomarafon oʻtkazildi.
Bugun Osiyo Olimpiya kengashi (OOK) Bosh direktori, Butunjahon suv sporti turlari federatsiyasi (World aquatics) prezidenti Husayn Al Musallam hamda Osiyo velosport konfederatsiyasi prezidenti Osama Al Shafar poytaxtimizga tashrif buyurdi.
Jizzax viloyatiga xizmat safarida boʻlgan Oʻzbekiston Respublikasi Oliy Majlisi Senati raisi, mamlakat velosport federatsiyasi rahbari Tanzila Narbayeva Jizzax Olimpiya va Paralimpiya sport turlariga tayyorlash markaziga tashrif buyurdi.
Velosportning shosse yoʻnalishi boʻyicha Parij-2024 Olimpiadasiga reyting ochkolarini jamgʻarish davri yakuniga yetdi. Quvonarlisi, Xalqaro velosipedchilar ittifoqi (UCI) tomonidan eʼlon qilingan reyting yakuniga koʻra, boʻlajak Olimpiadaga Oʻzbekiston ayollar terma jamoasi 3 ta, erkaklar termasi esa 1 ta yoʻllanmaga sazovor boʻldi.
