Parijda boʻlib oʻtayotgan yozgi Paralimpiya oʻyinlarida Husniddin Norbekov Oʻzbekiston delegatsiyasiga sakkizinchi oltin medalni taqdim etdi.
Parij-2024 yozgi Paralimpiya oʻyinlarining bugungi kuni delegatsiyamiz uchun muvaffaqiyatli oʻtmoqda.
F35 klassida yadro uloqtirish bahslarida qatnashgan yurtdoshimiz 16.82 metr natija qayd etib, Paralimpiya rekordini yangilashga erishdi. Shu tariqa, Norbekov hisobidagi Paralimpiya medallari 3 ta oltin va 1 ta bronzaga yetdi.
Para pauerlifting boʻyicha ayollar oʻrtasida -73 kg vazn toifasida bahslarda ishtirok etgan hamyurtimiz Roʻza Kuziyeva 147 kg natija qayd etgan holda delegatsiyamiz hisobiga 9-kumush medalni qoʻshib qoʻydi.
Para yengil atletika boʻyicha ayollar oʻrtasida F54 klassida nayza uloqtirish dasturida Nurxon Qurbonova 21.12 metr natija qayd etgan holda jahon rekordini yangiladi va delegatsiyamiz hisobiga 10-oltin medalni qoʻshib qoʻydi.
