Avstraliya, Buyuk Britaniya, Daniya va AQSh astronomlaridan iborat guruh Yerdan 146 yorug'lik yili uzoqlikda joylashgan HD137010b potentsial yashashga yaroqli sayyorani topdi. Bu haqda 29-yanvar kuni The Guardian gazetasi tadqiqotga tayanib xabar berdi.
Gazeta xabariga ko'ra, sayyora Quyoshga o'xshash yulduz atrofida aylanadi va olimlar HD137010b Yerdan atigi 6 foiz kattaroq deb taxmin qilishmoqda. Gazeta iqtibos keltirgan tadqiqotchilar sayyora o'z yulduzining yashashga yaroqli zonasida bo'lish ehtimoli 50 foiz ekanligini va uni har 355 kunda bir marta aylanib chiqishini ta'kidladi, deb xabar berdi tass.ru.
Gazetaning ta'kidlashicha, bu yulduz Quyoshdan salqinroq va xiraroq, shuning uchun sayyoradagi harorat Selsiy bo'yicha -70 darajagacha tushishi mumkin. Tadqiqot mualliflaridan biri doktor Chelsi Xuangning so'zlariga ko'ra, sayyora kelajakdagi kuzatishlar uchun ustuvor maqsadga aylanishi mumkin.
