«Shunda xalq bilan muloqot paydo boʻladi, odamlarimiz bundan rozi boʻladi, tibbiyot tizimiga xolis bahoni oʻzi beradi.
Shu oʻrinda viloyat, tuman tibbiyot rahbarlari va bosh shifokorlar, poliklinika mudirlariga murojaat qilmoqchiman. Ular oʻziga savol bersin: bemor shifoxona va poliklinikaga kelganda qancha vaqt sarflayapti, olgan xizmatidan qanchalik koʻngli toʻlyapti?
Mazkur rahbarlar oʻzini bemorning oʻrniga qoʻyib, eshikdan boshlab, vrach qabuliga kirish uchun xonama-xona yursa, rentgen, laboratoriya, UZI, EKG uchun boshqa-boshqa qavatga chiqib-tushsa, shunda odamlarning holatini tushunib, bu savolga javob topadi.
Shu bois, har bir viloyat, tuman tibbiyot rahbari, bosh shifokor va poliklinika mudiri bemorga eʼtiborli boʻlib, dardiga shifo izlab kelgan har bir odamning ishi tez bitishi uchun barcha sharoitlarni yaratishi shart!», – dedi Prezident.