Ushbu yoʻnalishda vatanimiz sharafini ikki nafar sportchimiz himoya qildi. Oʻzining toʻrtinchi olimpiadasida qatnashgan tajribali Svetlana Radzivil Tokio-2020 Olimpiya oʻyinlari bilan xayrlashdi. U saralash bahslarida 1.93 metrlik balandlikdan oʻta olmadi.
1.90 metr balandlikni 3-urinishida zabt etgan Radzivil oʻz guruhida 10-oʻrinni egalladi.
Ushbu dasturda qatnashgan ikkinchi vakilamiz Safina Sadullayeva esa final yoʻllanmasini qoʻlga kiritdi. U saralashda 1.95 metr natija qayd etdi. Final bahslari 7-avgust kuni oʻtkaziladi, deb xabar beradi Turizm va sport vazirligi matbuot xizmati.