Toʻlaganov Hojiakbar Tohirjonovich “Oʻzkimyosanoat” aksiyadorlik jamiyati Boshqaruvi raisining matbuot kotibi – axborot siyosati masalalari boʻyicha maslahatchisi lavozimiga tayinlandi.
U 1979 — yilda Toshkent shahrida tugʻilgan. U bunga qadar Oʻzbekiston milliy teleradiokompaniyasi tizimida, Oʻzbekiston Respublikasi Oliy Majlisi Qonunchilik palatasi hamda Oʻzbekiston Respublikasi Oliy Majlisi Senatida matbuot kotibi lavozimida faoliyat yuritgan.
Tayinlov Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligining xulosasi asosida amalga oshirildi.
Toʻlanov Akmaljon Maxammatumarovich Andijon viloyati hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari-iqtisodiyot va moliya bosh boshqarmasi boshligʻi etib tayinlandi.
Oʻzbekiston Respublikasi Prezidentining farmoyishiga muvofiq, Ichki ishlar vazirligi huzuridagi Qoʻriqlash departamenti boshligʻi vazifasini bajaruvchi etib polkovnik Shodibekov Qobil Adilovich tayinlandi.
