Kinematografiya agentligi va “Rossiya-Kultura” telekanali hamkorligida “Hayvonlar haqida dialoglar” 16 qismli ilmiy-ommabop film yaratildi. Film “Hujjatli va kinoxronikal filmlar kinostudiyasi” hamda “2V” studiyasi bilan hamkorlikda tasvirga olindi. Ssenariy muallifi va rejissyor Ivan Zatevaxin, postanovkachi operator Vladimir Kokorov. Kinokartinada Toshkent hayvonot bog'idagi jonivorlar haqida hikoya qilinadi. Filmdan bog' mutasaddilari, soha mutaxassislari va boshqalar bilan suhbatlar, dialoglar joy olgan. Mazkur film 5 fevraldan har yakshanba kuni "Rossiya-Kultura" telekanali orqali efirga berila boshladi. Navbatdagi qismi ertaga soat 11:20da (Toshkent vaqti bilan) namoyish etiladi.