Ushbu kelishuv ikki mamlakat tashqi ishlar va transport vazirliklari oʻrtasida olib borilgan samarali muzokaralar natijasidir.
Dastlab parvozlar har yakshanba kuni amalga oshiriladi. Shuningdek, “Qanot Sharq” aviakompaniyasi joriy yil 4-sentyabrdan boshlab ushbu yoʻnalish boʻyicha chorshanba kunlari amalga oshiriladigan reyslarni yoʻlga qoʻyishni rejalashtirmoqda.
Toshkent–Budapesht–Toshkent yoʻnalishi boʻyicha havo qatnovlarining amalga oshirilishi sayyohlar, ishbilarmonlar va talabalar uchun yangi imkoniyatlar ochadi.
– Biz yoʻlovchilarimizga Toshkent va Budapesht oʻrtasida qulay va muntazam qatnovlarni taklif qilishdan mamnunmiz, – dedi “Qanot Sharq” aksiyadorlik jamiyati bosh direktori Moses Pak, – Ushbu reyslar nafaqat transport qulayligini, balki mamlakatlarimiz oʻrtasidagi madaniy va iqtisodiy aloqalarni ham mustahkamlaydi.