Toshkent shahar hokimligining qaroriga koʻra, pulli toʻxtash joylari quyidagi 5 ta tarif zonasiga (1 soat uchun) boʻlinadi:
1 – tarif zonasi — 12 ming soʻm;
2 – tarif zonasi — 10 ming soʻm;
3 – tarif zonasi — 8 ming soʻm;
4 – tarif zonasi — 6 ming soʻm;
5 – tarif zonasi — 5 ming soʻm;
Quyidagi toifadagi transport vositalaridan toʻxtash joyidan foydalanganlik uchun toʻlov undirilmaydi:
- Favqulodda vaziyatlar va maxsus xizmatlar xodimlari tomonidan foydalaniladigan jigarrang, qizil yoki koʻk-qizil miltillovchi chiroq va maxsus ovozli signallar bilan jihozlangan transport vositalari;
- old va orqa oynalarida “7.17” yoʻl belgisi tasviri tushirilgan I yoki II guruh nogironligi boʻlgan shaxslarning transport vositalari (jumladan, nogironlar uchun moʻljallangan maxsus transport vositalari);
- II Jahon urushi qatnashchisining transport vositasi;
- davlat roʻyxatidan oʻtkazilmaydigan ikki gʻildirakli transport vositalari.
Bundan tashqari, parkingda, shu jumladan, savdo, xizmat koʻrsatish, tibbiyot, sport, madaniy-koʻngilochar muassasalar yonidan besh foiz joy (lekin 1 donadan kam boʻlmagan) imtiyozli ruxsatnomaga ega shaxslar uchun ajratiladi.
