Toshkent SES pomidorlarni kimyoviy bo‘yoqlar bilan bo‘yash haqidagi mish-mishlarni rad etdi
Internet hamjamiyatlari foydalanuvchilari sabzavotlarni yuvganda ular yuzasidan pushti-malina rangli suyuqlik oqib tushayotgani va bo‘yoq qo‘ldan ketmayotganini ta’kidlashgan.
Ushbu ma’lumot jamoatchilik orasida keng muhokamalarga va poytaxt aholisi xavotiriga sabab bo‘ldi.
Shu munosabat bilan Toshkent shahar sanitariya-epidemiologik osoyishtalik va jamoat salomatligi boshqarmasi xodimlari shahardagi oziq-ovqat bozorlarida tekshiruvlar o‘tkazdi. Mutaxassislar kimyoviy bo‘yoqlar bilan ishlov berilgan bo‘lishi mumkin bo‘lgan sabzavot mahsulotlari savdosi holatlarini o‘rgandi.
Tekshiruv yakunlariga ko‘ra, idora tomonidan kimyoviy bo‘yoqlar bilan ishlov berilgan pomidorlar savdosi holatlari aniqlanmagani ma’lum qilindi. SES ijtimoiy tarmoqlarda tarqalgan ma’lumotlar tasdig‘ini topmaganini ta’kidladi.
