“Biz ulardan bu hafta, aslida juda tez orada eshitamiz va ko'ramiz. Lekin biz buni to'xtatishni istaymiz. “Biz o'limlar va qotilliklar to'xtatilishini istaymiz”, dedi Tramp Oval kabinetda jurnalistlarga (CNN iqtibos keltirgan).

Oq uy rahbari ukrainalik hamkasbi Vladimir Zelenskiyning “katta muxlisi” emasligini aytdi. Uni “mas'uliyatli” rahbar deb hisoblamasligini va yana bir bor Zelenskiyni Ukrainadagi janglarni boshlaganlikda aybladi.

11-aprel kuni AQSh Prezidentining maxsus elchisi Stiv Uitkoff Sankt-Peterburgda Rossiya Prezidenti Vladimir Putin bilan muzokaralar o'tkazdi. Uchrashuv yakunida Uitkoff hududlar masalasini Rossiya tomoni uchun asosiy masala deb atadi, deb xabar beradi kommersant.ru.

AQSh Prezidenti matbuot kotibi Kerolayn Levittning aytishicha, Donald Tramp va Stiv Uitkoffning Rossiya Ukrainadagi inqirozga barham berishni xohlayotganiga ishonchlari komil. Uning qo'shimcha qilishicha, AQSh va Rossiya o'rtasida iqtisodiy hamkorlik bo'lishi mumkin, ammo bundan oldin o't ochishni to'xtatish zarur.