Tramp AQSh Xitoy bilan savdo shartnomasini “tez orada” imzolashi mumkinligini aytdi.

“Ikki savdo-iqtisodiy guruhimiz bizni tashvishlantirayotgan asosiy muammolarni hal qilish bo'yicha bazaviy kelishuvga va rag'batlantiruvchi siljishga erishdi”, dedi muzokaralar davomida XXR Raisi Si Szinpin.

Pekin hali uchrashuv natijalari haqida izoh bermadi.

Air Force One bortida Tramp jurnalistlarga Si Szinpin bilan ajoyib uchrashuv o'tkazganini aytdi va u buyuk yetakchi dedi.

Trampning so'zlariga ko'ra, kelishuv shartlari har yili qayta ko'rib chiqiladi. “Ammo menimcha, bu uzoq vaqt davomida amal qiladi”, deb tushuntirdi Tramp. Tramp Xitoyning noyob yer metallari eksportiga cheklovlar qo'yish masalasi “hal qilinganini” e'lon qildi.

“Va bu butun dunyo uchun... Bu nafaqat AQSh, balki butun dunyoda mavjud bo'lgan holat edi”, dedi Tramp jurnalistlarga. “Xitoydan endi hech qanday to'siqlar yo'q”.

Xitoy sentabr oyi oxirida Vashingtonning texnologiya eksporti nazoratini kengaytirishiga javoban muhim minerallar eksportini nazorat qilishni kuchaytirdi.

“AQSh fentanil kimyoviy ingredientlarining AQShga oqib kelishiga javoban ilgari joriy qilingan barcha Xitoy tovarlariga tariflarni darhol bekor qiladi”, dedi Tramp.

“Biz ko'plab masalalar bo'yicha kelishuvga erishdik va bugundan boshlab katta hajmdagi soya va boshqa qishloq xo'jaligi mahsulotlari darhol sotib olinadi”, dedi Oq uy rahbari.

AQSh Pekinga fentanil bo'yicha bosim o'tkazish uchun Xitoy tovarlariga 20 foiz tarif joriy qildi. Trampning aytishicha, AQSh bu tarifni 10 foizgacha pasaytiradi, bu esa umumiy yukni 57 foizdan 47 foizgacha kamaytiradi.

Tramp, shuningdek, kelasi yilning aprel oyida Xitoyga tashrif buyurishini e'lon qildi, deb xabar berdi ru.euronews.com.