Uchrashuvda Oʻzbekistonni ziyorat, madaniy, tarixiy va qishki turizm yoʻnalishi sifatida Malayziyada targʻib qilish istiqbollari muhokama etildi.
Oʻzbekistonga tashrif buyurishni oʻz ichiga olgan “Umra plyus” dasturiga ixtisoslashgan turoperatorlarni jalb etish masalalariga alohida eʼtibor qaratildi.
Uchrashuv yakunida Oʻzbekistonni targʻib qilish boʻyicha qoʻshma marketing loyihalarini amalga oshirish, Malayziya vakillari uchun maxsus info- va press-turlar tashkil etish, shuningdek, tomonlarning ikki mamlakat xalqaro turizm tadbirlarida oʻzaro ishtirok etishi boʻyicha kelishuvlarga erishildi, deb xabar beradi Turizm qoʻmitasi matbuot xizmati.
