“UT Dogu travel” mahalliy turistik kompaniyasi va Oʻzbekistonning Turkiyadagi elchixonasi bilan hamkorlikda Turkiyadagi Naqshbandiya tariqati vakillarining Oʻzbekistonga ziyorat turizmi yoʻnalishida sayohati tashkil etildi. Ziyorat muqaddas Juma kuniga toʻgʻri kelganligi sababli Mehmonlar sayohatni Urganch shahridagi “Oxunbobo” jome masjidida juma namozini ado etishdan boshlashdi. Undan tashqari. Turkiyalik mehmonlar shuningdek, Xiva shahri “Ichan qalʼa” majmuasida ham boʻldilar. Shuningdek, Xorazm viloyati musulmonlar idorasi, Turizm va sport bosh boshqarmasi vakillari ishtirokida uchrashuv boʻlib oʻtdi. Uchrashuvda ziyorat turizmini rivojlantirishda oʻzaro hamkorlik oʻrnatish va rivojlantirish mavzusida suhbat olib borildi. Undan tashqari, mehmonlar Buxoroning Bahouddin Naqshband muqaddas qadamjosida ziyorat amallarini ado etishdi. Ziyoratchilar 10 kunlik sayohatlari davomida Yetti Pir ziyoratgohlarida ham boʻlishadi. Shu oʻrinda taʼkidlash joizki, Bahouddin Naqshband hunarmandchilik markazida faoliyat boshlagan yangi Mehmonxona Turkiyadan tashrif buyurgan eng nufuzli din ulamolari, shayxlar va ziyorat turizmi vakillaridan iborat ilk mehmonlarini qabul qildi, deb xabar beradi Turizm va sport vazirligi matbuot xizmati.