Xizmatlaring buyuk xalqim oldida
Sen bilan toʻliqdir farzand kamoli.
Gʻayrat-shijoating bilganda hatto
Tan bergan boʻlardi tinmas chumoli.
Maktab ham boʻlakcha oynai jahon
Sen uning yetuk bir suxandonisan.
Yurt-jahon, oʻtmish va kelajak haqda
Topib soʻzlaydigan aql konisan.
Xat tanib, hisobni oʻrgangan goʻdak
Dunyoni charogʻon ekanin anglar.
Hodisalar siri,modda tarkibi,
Yashil dunyo haqda u jon deb tinglar.
Bolalar gʻayratli,bilimga chanqoq
Demak ming bir savol berishi tabiiy.
Erinmay tushuncha berasan har chok-
Bejiz berilmagan noming-murabbiy.
Sen yoʻling topsayding — olib qoʻyarding
Dunyoni bolaning guldek kaftiga.
Axir axloq yukin uchdan birini
Oʻzingmasmi olgan ikki kiftingga.
Bu yurtda neki kasb-hunar egasi —
Bir paytlar oʻzingga shogird edilar.
Olim, shoir, hofiz, rassom, bastakor
Shogird ustozidan utar deydilar.
Senchi quvonasan yutuqlaridan
Xuddi sovgʻa olgan murgʻak boladek.
Mening oʻquvchim deb toshib soʻzlaysan
Farzanding yutugʻin koʻrgan onadek.
Demakki,sen buyuk,sen tengi yuksan
Ularga otasi, onasi kabi
Toʻgʻri yoʻl koʻrsatib bergan mayoqsan
Obroʻying yuksalsin ustoz-murabbiy.
Mayli,birov bilsin,birov bilmasin:
Sen mehnat qilaver yurt ertasi deb.
Ey, muallim-ustoz qadring oʻlmasin
Sen faqat yashagin noning halol yeb.
Saʼdulla Qoplonov,
Jizzax viloyati, Baxmal tumanidagi 11-umumtaʼlim maktabi oʻqituvchisi.
