Tadqiqot davomida olimlar 64-99 yoshli tibbiy ko'rikdan o'tgan 44 ming shved ma'lumotlarini tahlil qilishdi. Keyin ular 35 yil davomida kuzatuvda davom etishdi. Ulardan 1224 nafari (2,7 foiz) 100 yoshgacha yashagan. Yuz yoshidagilarning aksariyati (85 foizi) ayollar edi. Tadqiqotchilar qondagi yallig'lanish, metabolizm, jigar va buyraklar faoliyati, shuningdek, to'yib ovqatlanmaslik va anemiya bilan bog'liq bo'lgan o'n ikkita biomarkerga e'tibor qaratishdi.
Natijalar 100 yoshgacha yashaganlarda oltmish yoshdan boshlab glyukoza, kreatinin va peshob kislotasi darajasi pastroq bo'lganini ko'rsatdi. Xususan, yuz yoshga kirganlarning faqat ayrimlaridagina glyukoza darajasi 6,5 dan yuqori bo'lgan. Bundan tashqari, 12 biomarkerning ikkitasidan tashqari (alat va albumin) hammasi 100 yoshga etish ehtimoli bilan bog'liqlikni ko'rsatdi.
Umumiy xolesterin va temirning eng past darajasiga ega, shu bilan birga, glyukoza, kreatinin va peshob kislotasi yuqori bo'lgan odamlarning bir asrgacha yashash ehtimoli kamaygan, deb xabar beradi lenta.ru.
