2021-yilning 8 oyi davomida roʻyxatdan oʻtgan korxonalarning nomlari tartibga keltirildi

Mamlakatimizda 27 avg 2021, 10:28 2 370

Vobkent tumanida yil boshidan hozirga qadar jami 740 ta korxona shundan 482 ta YATTlik faoliyati bilan, 228 ta yuridik shaxs maqomiga ega boʻlgan tadbirkorlik subyektlari, shuningdek, 73 ta oilaviy korxona, 127 ta MCHJ, 10 ta xususiy korxona, 15 ta fermer xoʻjaligi, 2 ta dehqon xoʻjaligi va 1 ta nodavlat taʼlim muassasasi Davlat xizmatlari markazi tomonidan turli nomlar bilan roʻyxatdan oʻtgan.

Aksariyat tadbirkorlarimiz oʻzi xohlagan nomlarni tanlab roʻyxatdan oʻtavergan. Misol uchun “Xilvati doʻsti yoron”, "GLOBAL MUSTANG“, ”GOLLAKTIKOS-BARSʼʼ, "TRIUMPH TEXTILE" kabi nomlar bilan.

Aslida Oʻzbekiston Respublikasi Vazirlar Mahkamasining 2021-yil 16-martdagi “Savdo, ishlab chiqarish va xizmat koʻrsatish obyektlariga nom berishni takomillashtirish chora-tadbirlari toʻgʻrisida”gi 144-sonli qarori bilan obyektlarga nom berish “Davlat tili haqida”, “Firma nomlari toʻgʻrisida” va “Tovar belgilari, xizmat koʻrsatish belgilari va tovar kelib chiqqan joy nomlari toʻgʻrisida”gi Oʻzbekiston Respublikasi qonunlari talablariga rioya etilgan holda amalga oshirilishi belgilab qoʻyilgan.

Shundan kelib chiqib, hozirda tadbirkorlar hamda tegishli soha vakillari bilan Qonunda belgilab qoʻyilgan talablarga asosan roʻyxatdan oʻtgan 20 dan ortiq mos kelmaydigan nomlar davlat tili qoida va meʼyorlariga muvofiq keladigan, milliy qadriyatlarga mos va obyektlarga qoʻyish tavsiya etiladigan nomlar tanlab, tartibga keltirilmoqda.

Yusuf NASULLAYEV,

Vobkent tumani hokimining maʼnaviy-maʼrifiy ishlar

samaradorligini oshirish, davlat tili toʻgʻrisidagi

qonun hujjatlariga rioya etilishini taʼminlash

masalalari boʻyicha maslahatchisi