Uchrashuv ishtirokchilariga mamlakatimizda amalga oshirilayotgan iqtisodiy islohotlar va oʻzgarishlar, iqtisodiyotni erkinlashtirish va investitsiya muhitini yaxshilash boʻyicha qilinayotgan keng koʻlamli chora-tadbirlar haqida maʼlumot berildi.
Uchrashuv chogʻida investitsiyalarni jalb etish, investitsiyaviy nizolarni hal etishning huquqiy mexanizmlarini takomillashtirish, shuningdek, biznes sohasidagi huquqiy bazani mustahkamlash sohasida amaliy hamkorlik masalalari muhokama qilindi.
Toshkent xalqaro arbitraj markazining (TIAC) tashkil etilishi bilan investitsiyaviy va tijorat nizolarni tezkor hal qilish uchun samarali platforma yaratilganligi taʼkidlandi.
Tadbir yakunlari boʻyicha tomonlar koʻrib chiqilgan tashabbuslar va muhokama etilgan masalalar doirasida yanada faol hamkorlikni yoʻlga qoʻyishga kelishib oldilar, deb xabar beradi Investitsiyalar va tashqi savdo vazirligi matbuot xizmati.