Uchrashuvda taʼkidlanganidek, koʻplab oʻqituvchilar va rahbarlar Yagona interaktiv davlat xizmatlari portali (my.gov.uz) ishini chuqur oʻrganishdan manfaatdor. Bunday treninglarni oʻtkazish orqali oʻqituvchilarning oʻzlari kelajakda talabalarga interaktiv xizmatlarning mazmun-mohiyatini tushuntirib berishlari va shu orqali jamiyatimizning keng qatlamlariga xizmat koʻrsatish qamrovini kengaytirishga hissa qoʻshishlari mumkin boʻladi.
UZINFOCOM vakillari Yagona portal faoliyatidagi yangiliklar, qiziqarli tafsilotlar, uning yaratilish tarixi haqida soʻzlab berdi, deb xabar beradi Axborot texnologiyalari va kommunikatsiyalarini rivojlantirish vazirligi matbuot xizmati.
Maʼlumot uchun, Yagona portal orqali bugun uch yuzdan ortiq elektron davlat xizmatlaridan foydalanish imkoni bor.
