Yana bir “Haj” ziyorati bilan bogʻliq firibgarlik holatiga chek qoʻyildi

    Xavfsizlik 9 Iyun 2023 1198

    Fargʻona shahrida faoliyat yurituvchi turistik firma xodimi – Margʻilon shahrida yashovchi fuqaro va uning oʻgʻlini 20 ming AQSH dollari evaziga Saudiya Arabistoniga Haj ziyoratiga yuborishni vaʼda qiladi.

    Talab qilingan summadan 10 ming AQSH dollarini olgan vaqtida DXX va Bosh prokuratura huzuridagi Departament xodimlari tomonidan ashyoviy dalillar bilan ushlandi.

    Tezkor surishtiruv harakatlari davomida, u ushbu pul mablagʻini turistik firma rahbarining koʻrsatmasi asosida olganligi maʼlum boʻldi.

    Hozirda holat yuzasidan mazkur shaxslarga nisbatan Jinoyat Kodeksining 168-moddasi bilan jinoyat ishi qoʻzgʻatilib, tergov harakatlari olib borilmoqda.

    Hurmatli fuqarolar muqaddas Haj safariga borishda firibgarlarning tuzogʻiga tushib, aldanib qolmang. Ogoh boʻling!