Tadbirda institut birinchi prorektori X.Nishonov hamda Filologiya fakulteti dekani E.Isomiddinov ishtirok etib, gʻolib va faol talabalarimizni tantanali ravishda taqdirladilar.
Talabalarimiz isteʼdodi va mehnati qadrlanadi!
Mazkur marosimda institut rahbariyati talabalarning ijodiy qobiliyatlari va mehnatlarini eʼtirof etib, ularga yangi yilda yanada katta marralarga erishish uchun dalda berdi.
Tanlovlar quyidagi yoʻnalishlarda oʻtkazilib, gʻoliblar aniqlangan, jami 62 nafar talaba tanlovlar nizomlarida koʻrsatilgan tartibda munosib taqdirlandi:
- “Kitob mening doʻstim” tanlovi;
- “Yoshlar korrupsiyaga yoʻq deydi” mavzusida “Eng yaxshi rasmlar” tanlovi;
- “Korrupsiyadan holi taʼlim muassasasi” mavzusida “Eng yaxshi videoroliklar” tanlovi;
- “Korrupsiya adolat kushandasi” mavzusida “Eng yaxshi insholar” tanlovi;
- “Zakovat” intellektual oʻyini ligasi Kuzgi mavsumi gʻoliblari;
- “Besh tashabbus olimpiadasi” sport musobaqalarining gʻoliblari;
- “Universiada” hududiy viloyat bosqichi gʻoliblari;
- “Uchinchi renessans yoshlar nigohida” tanlovi;
- “Mirzo Ulugʻbek hayoti va ilmiy-maʼrifiy merosini oʻrganishga bagʻishlangan eng yaxshi ilmiy maqolalar” tanlovi;
- “Eng yosh dasturchi” tanlovi;
- “Konstitutsiya -erkin va farovon hayot garovi” tanlovi.
X.Nishonov taʼkidlashicha, bu kabi tadbirlar talabalar oʻrtasida doʻstona muhitni mustahkamlash va ularning isteʼdodlarini yuzaga chiqarishda katta ahamiyat kasb etadi.
Talabalarimizga minnatdorlik bildiramiz!
Sizning ijodingiz va faolligingiz institutimizning faxridir. Yangi yilda barchangizga muvaffaqiyatlar tilaymiz!
Isʼhoqxon Ibrat nomidagi Namangan davlat chet tillari instituti Axborot xizmati
