Holat boʻyicha, Toshkent shahar FVB matbuot xizmati maʼlumot berdi.
Qad etilishicha, shu yilning 14-iyul kuni tungi soat 22:10 da Toshkent shahar, Yashnobod tumani, "Vatandosh" MFY, Tuzel dahasi 12A-uydagi xonadonlarning birida, yongʻin sodir boʻlayotganligi toʻgʻrisida Toshkent shahar FVBga xabar tushgan.
Xabarga asosan voqea joyiga yongʻin-qutqaruv ekipaji yuborildi. Yongʻin tungi soat 22:18 da oʻrab olinib, soat 22:33 da batamom oʻchirildi.
Sodir boʻlgan yongʻin oqibatida xonadondagi uy jihozlar yonib ketgan. Hodisa oqibatida tan jarohati olgan va halok boʻlganlar yoʻq.
Hozirda yongʻin sababi va moddiy zarar miqdori aniqlanmoqda.
