Belgilanishicha, koʻkrak nishoni idoraviy mukofot hisoblanib, har yili 30-iyun – “Yoshlar kuni”da gʻoliblarga tantanali ravishda topshiriladi.
Koʻkrak nishoni bilan Mudofaa vazirligi tomonidan tashkil etiladigan musobaqa gʻolibi boʻlgan davlat umumiy oʻrta taʼlim muassasalarining 11-sinfida taʼlim olayotgan oʻquvchi oʻgʻil bolalar mukofotlanadi.
Qayd etilishicha, koʻkrak nishoni bilan taqdirlanganlarga ikki yil mobaynida amal qiladigan quyidagi imtiyozlar beriladi:
- harbiy xizmatni oʻtashga yaroqli deb topilgan hamda chaqiruv muddatlarini kechiktirish va chaqiruvdan ozod etish huquqiga ega boʻlmagan taqdirda, birinchi navbatda muddatli harbiy xizmatga chaqirish;
- Oʻzbekiston Respublikasi oliy harbiy taʼlim muassasalariga oʻqishga kirishda Oliy taʼlim, fan va innovatsiyalar vazirligi huzuridagi Bilim va malakalarni baholash agentligi tomonidan oʻtkaziladigan test sinovlarida qoʻshimcha ravishda 3 ball koʻrinishida.
