Rishton tumanidagi 2-kasb-hunar maktabida oʻtkazilgan “Oʻzbekiston yoshlar forumi-2021" minglab yoshlarni yagona maqsad sari birlashtirdi.
Forumda beshta muhim tashabbus doirasida koʻrgazmalar, yangi loyihalar va yoshlar mehnat yarmarkasi tashkil etildi. Bundan tashqari, harbiy xizmatchilari tomonidan harbiy texnikalar va qurol-yarogʻlar koʻrgazmasi namoyish etildi.
Tumandagi bir guruh faol yoshlar va ijtimoiy qoʻllab-quvvatlash zarur boʻlgan uyushmagan yoshlarga tashkilotchilar tomonidan turli qimmatbaho sovgʻalar topshirildi. Shundan soʻng madaniy-maʼrifiy tadbir konsert dasturiga ulanib ketdi. Forumda taniqli qoʻshiqchilar hamda tuman madaniyat boʻlimi xonandalari ijro etgan kuy-qoʻshiq va raqslar ishtirokchilarga koʻtarinki kayfiyat bagʻishladi.
Yoshlar forumi doirasida sport musobaqalari, yosh dizaynerlar oʻrtasida liboslar koʻrgazmasi, koʻrik-tanlovlar oʻtkazilib, unda tumandagi barcha oʻquvchilar, talabalar, uyushmagan yoshlar ishtirok etdi.
Suratlar muallifi Gʻ.Lutfullayev
