Unda sayyohlik oqimini yanada kengaytirish, turizm sohasida iste'molchilar huquqlarini himoya qilish, soha rivojiga to'sqinlik qilayotgan muammolarni tizimli tahlil qilish bilan bog'liq masalalar muhokama qilindi.
Forum davomida turizmni rivojlantirishga qaratilgan xalqaro me'yor va standartlarni implementatsiya qilish, turizm sohasida faoliyatni amalga oshiruvchi xalqaro kompaniyalar bilan hamkorlikni kengaytirish, xalqaro va davlatlararo standartlar va normalarni turizm faoliyati va amaliyotiga joriy etish borasida chet ellik ekspertlarning ma'ruzalari tinglandi.
Xalqaro iste'molchilar jamiyati konfederatsiyasi raisi Dmitriy Yanin so'zga chiqib, sayyohlar (xalqaro iste'molchilar) tashrif buyuradigan maskanlar va avtomagistral yo'llar bo'yida sanitariya-gigiyena shohobchalarini ko'paytirish, madaniy meros ob'ektlarida iste'molchilarning maroqli xordiq olishi uchun qulay sharoitlar yaratish, axborot markazlari joriy etish, sayyohlar uchun yangi xizmatlar tashkil etish orqali valyuta tushumini ko'paytirish masalasiga alohida to'xtalib o'tdi.
O'zbekiston iste'molchilar huquqlarini himoya qilish jamiyatlari federatsiyasi
Matbuot xizmati.
