Мәресим шеңберинде болып өткен сөйлесиўде тәреплер Өзбекстан ҳәм Эфиопия
арасындағы бирге ислесиўди раўажландырыў перспективалары бойынша пикир алысты,
деп хабар бермекте "Дунё" ИА.
Эфиопия Президенти Өзбекстанның мәмлекетимиздеги елшиси лаўазымына
тайынланғанын қоллап-қуўатлады ҳәм еки тәреплеме қатнасықлар избе-из
раўажланып, мәмлекетлеримиз арасындағы әмелий бирге ислесиў буннан былай да
кеңейип баратуғынына исеним билдирди.
Өзбекстан елшиси Эфиопия
Президентине Президент Шавкат Мирзиёевтиң қызғын сәлеми ҳәм ең жақсы тилеклерин
жеткерди, сондай-ақ, Өзбекстан тәрепи өз-ара пайдалы экономикалық бирге
ислесиўди кеңейтиўге таяр екенин атап өтти.
Эфиопия басшысы
Өзбекстан Президентине еки мәмлекет арасындағы бирге ислесиўди раўажландырыў
бағдарындағы ҳәрекетлери ушын миннетдаршылық билдирип, жақсы тилеклерин
билдирди.
Еслетип өтемиз,
Өзбекстан ҳәм Эфиопия 1996-жыл 15-июльде дипломатиялық қатнасықлар орнатқан.
Ашраф Хўжаев
2024-жыл февраль айынан берли Өзбекстанның Қатардағы елшиси лаўазымында жумыс
алып бармақта. Ол 2025-жыл октябрь айынан Өзбекстанның Қубла Африка Республикасындағы
елшиси сыпатында аккредитациядан өткен.
