Ушырасыўда тәреплер мийнет миграциясы тараўындағы бирге ислесиўди
раўажландырыў перспективаларын, соның ишинде, Өзбекстаннан Кувейт мийнет
базарында ислеў ушын маман кадрларды таярлаў ҳәм тартыў мәселелерин додалады.
Медицина, хызмет көрсетиў, инженерлик ҳәм электротехника сыяқлы талап
жоқары болған бағдарларда қәнигелер таярлаў, жумыс бериўшилер тәрепинен
талапларды белгилеў механизмлерин жетилистириў мәселелерине айрықша итибар
қаратылды.
Кувейт елшиси Өзбекстанда шөлкемлестирилген сырт елде жумыс ислеў ушын
кадрлар таярлаў системасын жоқары баҳалап, Миграция агентлиги менен бирге
ислесиўди даўам еттириў әҳмийетли екенин атап өтти.
- Мәмлекетиңизде
сырт елде жумыс ислеў ушын кадрлар таярлаў бойынша жаратылған системаны жоқары
баҳалайман. Миграция агентлиги менен бирге ислесиў биз ушын да әҳмийетли.
Кувейт ҳәм Өзбекстан арасындағы мийнет миграциясы тараўындағы байланысларды
беккемлеўге өз үлесимди қосыўдан қуўанышлы боламан", - деп атап өтти Турки
Холид Ҳамад ал-Микрад.
Тәреплер әмелий
бирге ислесиўди буннан былай да раўажландырыў ҳәм Кувейтте өзбекстанлы
қәнигелерди жумыс пенен тәмийинлеў имканиятларын кеңейтиўден мәпдар екенин
билдирди.
