Мәмлекет орайында жүз берген көшки Будхи-Гандаки дәрьясы өзегин тосып қойды. Суў жағаларынан тасып, ағыс бойлап көшелерди суў басты. Дүбелей соншелли күшли болған, төрт көпир, жигирма үй ҳәм қурылып атырған гидроэлектростанцияны ўайран еткен. Бес адам бийдәрек жоғалған. Қырық тоғыз адам қутқарылған. Қайтыс болғанлар ҳаққында ҳеш қандай мағлыўмат жоқ. Рәсмийлер зыян көрген аймақлар халқын қәўипсизрек аймақларға көшиўге шақырды. Бир айдан көбирек ўақыт алдын Непал-Тибет шегарасында музлықлардың қулаўы апатшылығы суў тасқынларына себеп болған еди. Дерлик 1500 адам қайтыс болды. 5000 нан аслам адам елеге шекем бийдәрек жоғалған, деп хабар берди “24.kz”.