Сапар бағдарламасына муўапық, Белград қаласында жоқары дәрежедеги
сөйлесиўлер, сондай-ақ, еки мәмлекеттиң рәсмий ҳәм исбилермен топарлары
ўәкиллериниң қатнасыўында бизнес-форум болып өтеди.
Болажақ сөйлесиўлердиң күн тәртибинен Өзбекстан - Сербия көп қырлы
шериклигин және де беккемлеў мәселелери орын алған.
Саўда-экономикалық ҳәм инвестициялық бирге ислесиўди кеңейтиў, транспорт,
машина қурылысы, жеңил ҳәм азық-аўқат санааты, аўыл хожалығы, фармацевтика ҳәм
мәлимлеме технологиялары сыяқлы тийкарғы бағдарларда қоспа жойбарларды әмелге
асырыўға айрықша итибар қаратылады.
Шөлкемлескен мийнет миграциясы тараўында бирге ислесиўди жолға қойыў,
аймақлараралық ҳәм мәдений-гуманитарлық байланысларды кеңейтиў мәселелери де
көрип шығылады.
Саммит жуўмағында
ҳүкиметлераралық ҳәм уйымлараралық келисимлердиң салмақлы топламын қабыл етиў
режелестирилген.
