Өзбекстан Республикасы ҳәм Америка Қурама Штатлары арасындағы дослық қатнасықларын беккемлеў ҳәм узақ мүддетли стратегиялық шерикликти избе-из кеңейтиў, сиясий-дипломатиялық сөйлесиўди жеделлестириў, еки тәреплеме келисимлердиң әмелий орынланыўын тәмийинлеў жолындағы ҳәрекетлери, Өзбекстанның экономикалық потенциалы ҳәм инвестициялық имканиятларын АҚШта кеңнен үгит-нәсиятлаў, саўда-экономикалық ҳәм инвестициялық байланысларды жаңа басқышқа алып шығыў, америкалы инвесторлар ҳәм жетекши компанияларды мәмлекетимизге тартыў, энергетика, санаат, транспорт ҳәм басқа да тийкарғы бағдарларда өз-ара пайдалы жойбарларды алға қойыў, Америка-Өзбекстан бизнес ҳәм инвестиция кеңеси шеңбериндеги бирге ислесиўди раўажландырыў бағдарындағы айрықша хызметлери ушын Америка Қурама Штатларының Қубла ҳәм Орайлық Азия бойынша арнаўлы ўәкили Серджио Гор Өзбекстан Республикасының “Дўстлик” ордени менен сыйлықлансын.
Өзбекстан Республикасы Президенти
Ш.Мирзиёев
